最近又同班朋友聚一聚,我呢班朋友聚旧,大家时有时会带其他朋友一齐黎,我地年青人无乜所谓。

呢日既聚会,识到一位朋友,佢对八字有兴趣,最近开始睇八字命理既书,佢知道我对风水、八字、紫微斗数、面相掌相、占卜等等,都有研究,所以就问左我一个问题。

佢既问题对我黎讲好简单,我仲怀疑佢睇八字书,只睇两眼就算,无乜真正逐字研究。佢问我:「八字起大运,以阳男阴女顺行、阴男阳女逆行。我想知道,男命属于阳男或者阴男﹔女命属于阳女或者阴女,怎推算﹖」

八字中的阳男阴男及阳女阴女是怎么看的

如果大家对八字有些少研究,可能同我一样,觉得问题实在太简单。我记得,第一课跟老师学习八字,已经识得分辨阳男阴女及阳女阴男等等。

我简单咁教佢:「你知道乜天干属于『阳』?」他微低头,略一思考:「甲、丙、戊、庚、壬。」佢无答错,不过唔纯熟,否则,应该可以唔使谂就可以答得出「甲、丙、戊、庚、壬。」

我再问:「又有乜天干属于『阴』呢?」今次佢唔使谂,立即答出:「乙、丁、己、辛、癸。」佢非常谨慎咁读出,虽然略慢,但全中。

我正想再讲,佢就突然略有所悟:「我知!在『甲』年出生既男性叫阳男,而『甲』年出生既女性叫阳女;逢『乙』年出生男性叫阴男,而『乙』年出生既女性叫阴女!其它天干都咁样推算!」

终于有所领悟,对﹗八字阳男阴女等等,以年天干属于「阳」定「阴」作定论,阳年出生男性叫阳男,阳年出生女性叫阳女。

研究八字,分清楚阳男定阴男非常重要,因为起大运时,顺行定逆行,两者所影响既一生运程,可以出现极大差别。